O RECANTO DO CORCOVADO 1297 Adicamos o programa a novidades finlandesas onde os arranxos orquestrais gozan de especial protagonismo. Arrancamos en clave pop para, a seguir, entrar de cheo no mundo do jazz experimental, da clásica contemporánea e do rock. Estreamos os novos discos de Yona coa Tapiola Sinfonietta, Johanna Elina Sulkunen e Pekka Kuusisto – Musician & Norwegian Chamber Orchestra. Completamos o programa con «Aamunkoi», o novo de Pekko Käppi & K:H:H:L. RECANTO DO CORCOVADO 1297
No O RECANTO DO CORCOVADO 1297 imos xogar ao despiste sinfónico: imos escoitar proxectos que, na súa meirande parte, son inclasificables en termos de xénero ou estilo. Agora ben, en todos eles a orquestra sinfónica terá un rol protagonista. Vouvos estrear «Uni, johon herään» (O soño que me fai espertar), o novo traballo da cantante finladesa Yona. Gravouno coa colaboración da Tapiola Sinfonietta. Entrará a seguir «Terra», o segundo volume do proxecto «Sonority». A súa responsable é a tamén finlandesa Johanna Elina Sulkunen, artista afincada en Copenhague dende hai anos. Na súa proposta, de marcada tendencia existencial, interveñenen cordas, contrabaixo, electrónica e percusión. O resultado é sensacional. Estreareivos, para rematar, a nova gravación do violinista Pekka Kuusisto – Musician. Gravouna coa Orquestra de Cámara de Noruega. O repertorio está adicado a distintas obras de Philip Glass e Nico Muhly. Remataremos este repaso á expresividade orquestral con Pekko Käppi e os K:H:H:L.
O RECANTO DO CORCOVADO 1297 foi emitido o venres 3 de decembro por RKV Radio e o sábado 4 a través de Cuac FM Coruña e a Radio Municipal de Redondela. O mércores 8 de decembro entramos tamén a través de RCFM Radio Crónica Folk Musical.
LOIS ATANES O RECANTO DO CORCOVADO RKV / RADIO LIVE VENRES 23:00