O Recanto do Corcovado 1287

O Recanto do Corcovado 1287 é un novo episodio, compartido, do programa dirixido e presentado por Lois Atanes para rkvradio.com

Neste Corco número 1287 centrámonos en novidades discográficas asinadas por artistas e bandas da península ibérica. Abrimos dende Palencia con “Germinal”, o novo disco de El Naán. Gravárono coa colaboración de, entre outros, Xabier Díaz e Germán Díaz. No disco explóranse as raíces afroibéricas da tradición de Castela, á ver que se constrúen pontes musicais coa canción popular latinoamericana. O disco é sensacional. Enlazámolo con “A la casa de las locas”, o novo traballo dunha das bandas trad máis lonxevas do noso Estado, os extremeños Acetre. De aí saltamos a Galiza para descubrir “Tal como as nubes”, o novo disco en solitario de Beatriz Martínez. Coñecemos a Martínez a través do seu traballo cos Ghaveta, ademáis de polas súas gravacións a dúo con Rodrigo Romaní. Neste disco tómase a poesía de Rosalía de Castro como alicerce dun discurso musical tan creativo coma ben traballado. Na segunda parte do programa adiántovos temas dos novos discos de Pedro Pastor e Hugo Arán. O novo traballo de Pastor levará por título “Vueltas”, e será editado o 1 de outubro. O disco do cantor barcelonés Hugo Arán sairá á rúa o 6 de outubro, e estou xa en disposición de vos adiantar que é, sen dúbida, o seu mellor disco. Na recta final do programa escoitamos “Lord, I’m alive”, o quinto sinxelo do que vai ser o novo disco de Nastasia Zürcher. O Recanto do Corcovado 1287

Lois Atanes RKV / RADIO

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: