O Recanto do Corcovado 1326

O Recanto do Corcovado 1326 Estreamos os novos discos do Daniel García Trío, Lampen, John Scofield, Mark Turner e Kit Downes/Petter Eldh/James Maddren.

No programa desta semana presentámosvos distintas novidades discográficas, cunha importante presenza de discos editados polo selo alemán ECM. Abrimos o programa co último traballo do Daniel García Trío, “Vía de la plata”. O repertorio do disco vai da canción popular á música clásica con coherencia e sensibilidade. Soa a seguir o primeiro disco de John Scofield para guitarra soa. Chama a atención que sexa nesta altura, con 71 anos, cando edita un disco desta natureza. Ademais de temas propios, Scofield interpreta pezas de Keith Jarret, Jimmy Van Heusen e mesmo cancións tradicionais. Enlazámolo con “Kintsugi”, o que vai ser o novo disco do dúo de postjazz Lampen, formado polos músicos finlandeses Kalle Kalima (guitarras) e Tatu Rönkkö (percusión e electrónica). O disco sairá á rúa en setembro a través de We Jazz, mais podemos vos adiantar xa un dos seus temas. Na segunda parte do programa escoitamos os últimos traballos de Mark Turner e do trío formado por Kit Downes (piano), Petter Eldh (contrabaixo) e James Maddren (batería). O Recanto do Corcovado 1326

Este episodio do Recanto do Corcovado 1326 puidéstelo escoitar o venres 24 de xuño a través de RKV Radio e o sábado 25 en Cuac FM A Coruña e na Radio Municipal de Redondela. O mércores 29 soamos tamén a través de RCFM Radio Crónica Folk Musical

LOIS ATANES O RECANTO DO CORCOVADO RKV / RADIO LIVE VENRES 23:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: