O Recanto do Corcovado 1321

O Recanto do Corcovado 1321 O programa desta semana chégavos cargado de afrobeat, highlife, jazz, pop e funk.

Estréovos, por fin, o novo disco da Rhabdomantic Orchestra. Leva por título “Almagre”, e inspírase a partes iguais no surrealismo e no Realismo Máxico. Tédelo na rúa dende o pasado 6 de maio a través de Agogo Records. Entra tamén “Unite”, a nova gravación dos Ogún Afrobeat, antes de abrir unha máis que inqueda páxina adicada ao jazz finlandés contemporáneo. Comezamos con “Wahoo!”, traballo pioneiro editado no ano 1973 por Eero Koivistoinen e a súa Music Society. O disco vén de ser reeditado en formato CD, o cal nos dá a oportunidade de descubrir un dos grandes referentes do jazz e da fusión no contexto dos países nórdicos. Soa a seguir “Terra Exotica”, o novo disco de Jimi Tenor coa UMO Helsinki Jazz Orchestra, antes de pechar o programa con “Potsdam”, a nova gravación de Iiro Rantala para o selo ACT. Completamos o programa con temas de Nastasia Zürcher e máis o Narci Rodríguez dA Trío.

O Recanto do Corcovado 1321 puidéstelo escoitar o venres 20 de maio a través de RKV Radio e o sábado 21 a través de Cuac FM A Coruña e máis a Radio Municipal de Redondela. O mércores 25 soamos tamén na sintonía de RCFM Radio Crónica Folk Musical.

LOIS ATANES O RECANTO DO CORCOVADO RKV / RADIO LIVE VENRES 23:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: