O Recanto do Corcovado 1343

O Recanto do Corcovado 1343 No programa desta semana centramos a nosa atención en producións jazzísticas asinadas, todas elas, por artistas finlandesas e finlandeses.

Abrimos o programa cos novos discos do trío Designers e do proxecto Uusia Aika. No seu momento estreeivos un par de adiantos. Cómprenos agora descubrilos, aproveitando que por fin foron editados a través de We Jazz. A disqueira de Helsinki é tamén a responsable de “Joulu Joulu Jul”, o novo disco do Ilmiliekki Quartet coa cantante Emma Salokoski, e de “Tigers Are Better Looking”, a nova gravación de Valtteri Laurell Pöyhönen. A este último coñecémolo a través dos Dalindèo, entre outros proxectos. Chega agora co primeiro disco da súa nova banda, un noneto de swing baseado en ventos de metal. O disco publicarase o vindeiro 3 de febreiro, mais podemos vos ofrecer xa un adianto. Na segunda parte do programa escoitamos, en primeiro termo, o último proxecto das Signe, cuarteto de voces e contrabaixo que constrúe as súas melodías a partires de distintas onomatopeias e efectos de son. Rematamos o programa co último disco dos Sound Tagine, banda liderada polo trompetista Ilkka Arola. Mesturan jazz eléctrico con ritmos tradicionais procedentes de distintas ubicacións xeográficas, como é o caso de Oriente Medio. O resultado é sensacional. O Recanto do Corcovado 1343

Edición número 1343 de O Recanto do Corcovado. Puidestes escoitala o venres 16 de decembro a través de RKV Vigo e o sábado 17 a través de Cuac FM A Coruña e a Radio Municipal de Redondela. O mércores 23 entramos tamén a través de Radio Crónica Folk Musical.

LOIS ATANES O RECANTO DO CORCOVADO RKV / RADIO LIVE VENRES 23:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: