O Recanto do Corcovado 1294, programa presentado e dirixido por Lois Atanes escoitado o venres 12 de novembro por RKV Radio, e o sábado 13 pola Radio Municipal de Redondela e máis Cuac FM A Coruña. O mércores 17 en RCFM Radio Crónica Folk Musical. Adicamos o programa a novidades finlandesas. Abrimos en clave jazzística para, a seguir, entrar no terreo do rock, o free jazz e o progresivo. Escoitamos os novos discos de Aki Rissanen, Case Kämäräinen, KUU! e Ismo Alanko coa Oulu Sinfonia – Oulu Symphony Orchestra.
No programa desta semana imos escoitamos novidades finlandesas. Haberá jazz, mais tamén psicodelia, progresivo e rock. Vouvos estrear «Divided Horizon», o novo traballo do talentoso pianista Aki Rissanen. Compúxoo no verán do pasado ano aproveitando o parón obrigado pola pandemia. Imos escoitar tamén «Kaiken maailman kehtolauluja» (Cantigas de berce de todo tipo), a nova gravación de Ismo Alanko. Gravouno coa Oulu Sinfonia – Oulu Symphony Orchestra. Alanko é un dos músicos de rock máis respectados do país nórdico. Nós coñecémolo, fundamentalmente, a través das súas gravacións con Kimmo Pohjonen. Remataremos o programa con dous cuartetos internacionais dirixidos por músicos finlandeses. O primeiro, os KUU, formación liderada polo guitarrista Kalle Kalima. O segundo, os Case Kämäräinen, cuxa actividade creativa é coordinada, fundamentalmente, polo batería Tomi Kämäräinen. O Recanto do Corcovado 1294
![](https://i0.wp.com/rkvradio.com/wp-content/uploads/2021/11/247846999_4470014983113030_6457874084288491550_n.jpeg)
![](https://i2.wp.com/rkvradio.com/wp-content/uploads/2021/11/248377737_4470015946446267_8347864695523244950_n.jpeg)
![](https://i2.wp.com/rkvradio.com/wp-content/uploads/2021/11/248583628_4470015623112966_5809208513917073126_n.jpeg)
![O Recanto do Corcovado 1294](https://i2.wp.com/rkvradio.com/wp-content/uploads/2021/11/255464223_4470016206446241_2472042725319834676_n.jpeg)
LOIS ATANES O RECANTO DO CORCOVADO RKV / RADIO VENRES 22:00