O Recanto do Corcovado 1299

O Recanto do Corcovado 1299 Estreamos os novos discos do proxecto GAUR e Marjo Smolander. Estreamos tamén as novas cancións de Manuel Maio, Jembaa Groove e Pauanne. Pechamos o programa con Pablo Guerrero. O Recanto do Corcovado 1299 ten emisión o venres 17 de decembro a través de RKV Radio, sábado 18 por Cuac FM A Coruña e a Radio Municipal de Redondela. O mércores 22 a través de RCFM Radio Crónica Folk Musical.

No ano 2013 presenteivos por vez primeira a música da cantante bilbaína Noa Lur. Fíxeno a través do seu disco “Badakit”, unha delicia jazzística de corte enérxico e á vez intimista que nos permitiu descubrir unha vez tan inqueda coma persoal. Noa Lur é unha das responsables do proxecto GAUR (“Hoxe”, en galego), editado hai escasos días. Gravouno en íntima complicidade con Ander García (contrabaixo), David Fernández (batería) e David Sánchez (piano). No disco versionan distintas pezas, parte delas popularizadas por grandes nomes das músicas bascas, coma é o caso dos Oskorri ou Mikel Laboa. O resultado é sensacional. Velaiquí o noso disco destacado da semana, co cal abrimos o programa desta fin de semana. Estréovos tamén un adianto do novo disco do cantor e músico portugués Manuel Maio, antes de vos presentar dúas novidades finlandesas. A primeira, o primeiro sinxelo do que vai ser o novo disco duns vellos coñecidos do programa, o trío Pauanne. A segunda, o primeiro disco en solitario da solista de kantele Marjo Smolander, a quen coñecemos a través do seu traballo no dúo Zäpämmät. Pechamos o programa con outro sinxelo, o novo tema da banda afincada en Berlín Jembaa Groove. Funciona como adianto do que vai ser o disco debut do grupo, que sairá á rúa na primavera do vindeiro ano 2022. Nel hai matices funk, soul e elementos do High Life da costa oeste africana. Unha marabilla. Completamos o programa cun tema do último disco de Pablo Guerrero.

LOIS ATANES O RECANTO DO CORCOVADO RKV / RADIO LIVE VENRES 22:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: