O Recanto do Corcovado 1317

O Recanto do Corcovado 1317 Estreamos os novos discos de Nastasia Zürcher e do Narci Rodríguez dA Trío. Soan a seguir pezas de Ugia Pedreira e Madalena Gamalho antes pasar á música do Canzoniere Grecanico Salentino e do dúo formado por Justin Adams e Mauro Durante.

Ao longo dos últimos meses estivemos a escoitar cancións asinadas por Nastasia Zürcher que, de xeito ben medido, funcionaban como adianto do seu novo traballo discográfico. A espera rematou: dende o 22 de abril, “But Life is Beauty Full” —velaiquí o seu título— está na rúa. O disco volve estar producido por Adrián Saavadrea, e é inclasificable: nel dámos con inspiración popular, mais tamén con funk, pop luminoso e matices soul. No programa desta fin de semana escoitamos varios temas extraídos deste traballo, con todo merecemento o noso disco destacado da semana. Preséntovos tamén “Apollo III ad infinitum”, a nova gravación do Narci Rodríguez d’A Trío. Narci Rodríguez segue nun estado de forma envexable, e nesta nova escolma de temas demóstrao. Na segunda parte do programa adicamos minutos ao traballo conxunto de Justin Adams e Mauro Durante. Comezamos polo último disco do Canzoniere Grecanico Salentino para a seguir presentar “Still Moving”, disco coasinado por Adams e Durante. Completamos o programa desta semana con pezas de Ugia Pedredeira e Madalena Gamalho. O Recanto do Corcovado 1317

O Recanto do Corcovado 1317 soou o venres 22 de abril a través de RKV Radio Vigo, e o sábado 23 a través Cuac FM A Coruña e a Radio Municipal de Redondela. O mércores 27 entramos tamén a través de RCFM Radio Crónica Folk Musical.

LOIS ATANES O RECANTO DO CORCOVADO RKV / RADIO LIVE VENRES 23:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: