O Recanto do Corcovado 1324

O Recanto do Corcovado 1324 Tomás de Perrate asina con «Tres golpes» o noso disco destacado da semana. Estreamos tamén o novo de Carles Dénia, Tanxugueiras, Orquesta Akokán e Onom Agemo & Ahmed Ag Kaedy. Falamos tamén do concerto en Vigo de Lila Downs, ademais de escoitar a música dos peruanos Bareto.

Esta semana escoitamos novidades de cualidade contratada. Abrimos con “3 golpes”, o novo disco de Tomás de Perrate. Hai un par de meses adiantámosvos un dos temas incluídos neste traballo. Cómprenos agora nos introducir na pureza do seu repertorio. Tédelo na rúa a través de Lovemonk dende hai unha semana. Escoitamos tamén as novas cancións das Tanxugueiras e de Carles Dénia, todas elas incluídas nos que van ser os seus novos discos. Na segunda parte facémoslle oco ao concerto que Lila Downs dará en Vigo o vindeiro 9 de xullo, ademais de vos estrear “16 rayos”, o segundo disco da Orquesta Akokán, formación de New York en activo dende o ano 2018. Completamos o programa cos peruanos Bareto e cun adianto de “Tartit”, o que será novo disco da banda berlinesa de afrofunk Onom Agemo e do guitarrista e cantante de Mali Ahmed Ag Kaedy. Sairá á rúa a través de Agogo Records o vindeiro 1 de xullo. O Recanto do Corcovado 1324

Podedes escoitarnos os venres a través de RKV Radio o sábado en Cuac FM A Coruña e na Radio Municipal de Redondela. Os mércores soamos tamén a través de RCFM Radio Crónica Folk Musical.

LOIS ATANES O RECANTO DO CORCOVADO RKV / RADIO LIVE VENRES 22:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: