O Recanto do Corcovado 1333

O Recanto do Corcovado 1333 Edición número 1333 de O Recanto do Corcovado. Foi emitida o venres 7 de outubro por RKV Radio e o sábado 8 por Cuac FM A Coruña e a Radio Municipal de Redondela. O mércores 12 entramos tamén a través de Radio Crónica Folk Musical.

Abrimos con temas-adianto dos vindeiros discos de Guadi Galego e máis Katerina Linke. Escoitamos a seguir o novo disco de Omar Sosa e Marialy Pacheco, gravado ao vivo na Beethoven-Haus de Bonn. Pechamos o programa dende Finlandia cun adianto do inminente novo disco de Ismo Alanko e Kimmo Pohjonen, ademais de co último traballo da harpista Laura Hynninen.

Imos comezalo dende o noso país con “Alegoría”, o primeiro tema-adianto do que vai ser ser o novo disco de Guadi Galego. Guadi construíuno a partires dun texto de Antía Otero, con quen xa traballara na peza “Zocas”, incluída no seu anterior disco. A dupla artística Galego-Otero volve nos agasallar cun tema de fondo significado político, cheo de evidentes acertos musicais. Haberemos escoitar, a seguir, dous temas do inminente novo disco de Katerina Linke, adicado á música popular galega. Na segunda parte do programa soará “Manos”, traballo gravado ao vivo na Beethoven-Haus de Bonn por Omar Sosa Music e Marialy Pacheco. O disco é sensacional, unha mostra de virtuosismo interpretativo ao servizo da creación libre: nel háichevos matices free, mais tamén aires de descarga e mesmo un fondo coidado pola melodía. Remataremos o programa dende Finlandia: presentareivos, para comenzar, o tema “Kainuu”, primeira peza extraída de “Voice of the Northern Lowlands”, o novo disco de Kimmo Pohjonen (official page) e Ismo Alanko. O disco sairá á rúa a finais do presente mes de outubro a través de Svart Records. Pecharemos o programa con “Otilia”, o último disco da harpista, cantante e artista visual Laura Hynninen. Nel converxen electrónica, texturas contemporáneas e improvisación vogal. O disco foi editado a finais do pasado ano, e foi escollido por Yleisradio como mellor disco finlandés do 2021.

O RECANTO DO CORCOVADO 1333

LOIS ATANES O RECANTO DO CORCOVADO RKV / RADIO LIVE VENRES 23:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: