O Recanto do Corcovado 1345

O Recanto do Corcovado 1345 A distanza entre dous puntos adoita estar chea de curvas. Falamos de distanzas físicas, mais tamén anímicas: entre os barrios das grandes cidades e as nosas aldeas hai quilómetros cheos de reviravoltas e xiros interminables; entre as persoas que somos na actualidade e a aquelas que fomos háichenos tamén bifurcacións infindas, xeografías variables que configuran quen somos hoxe en día. Todos estes espazos converxen nun punto concreto, o do patio de luz como recuncho protector.

Velaiquí a idea que dá orixe a “Patios de luz”, o novo disco de Su Garrido Pombo Música. Foi editado oficialmente o pasado 17 de decembro. Su Garrido contou para gravalo coa colaboración de, entre outros, Marco Maril, quen se encarga da produción sonora e dos efectos. O traballo é sensacional e é, por mérito propio, o noso disco destacado da semana. Vouvos presentar tamén “La festa”, a sétima canción incluída en “Mussol”, o novo de Carles Dénia. Ao longo dos últimos meses, Dénia foinos presentando paseniñamente os temas incluídos neste disco, que será finalmente editado en formato físico a comezos do vindeiro ano 2023. Completaremos o programa, o derradeiro do presente ano, con temas de Antía Muíño, Sés, Guadi Galego e Iago Fernández. O Recanto do Corcovado 1345

Puidestes escoitalo o venres 30 de decembro a través de RKV Radio Vigo e o sábado 31 a través de Cuac FM A Coruña e a Radio Municipal de Redondela. O mércores 4 de xaneiro entramos tamén a través de RCFM Radio Crónica Folk Musical.

LOIS ATANES O RECANTO DO CORCOVADO RKV / RADIO LIVE VENRES 23:00

Deja una respuesta

Tu dirección de correo electrónico no será publicada.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies
A %d blogueros les gusta esto: