O Recanto do Corcovado 1310 “Blood Red”, da Espoo Big Band, é o noso disco destacado da semana. As músicas deste traballo foron escritas por Mikko Hassinen, percursionista da banda. Hassinen inspirouse para crealo na obra “Chámome vermello”, do escritor turco Ohran Pamuk.
O escritor turco Orhan Pamuk publicou a súa novela “Chámome vermello” no ano 1993. Cando a leu, o músico e compositor finlandés Mikko Hassinen sentiuse conmovido e impactado. Inspirándose libremente nesta obra, Hassinen escribiu “Blood Red”, suite para orquestra de jazz que posteriormente foi gravada pola Espoo Big Band. A banda, conducida por Marzi Nyman, contou co traballo do propio Hassinen ás percursións e de Verneri Pohjola á trompeta solista. O disco foi gravado no Teatro Savoy de Helsinki en xuño do ano 2020, mais vén de ser editado hai escasas semanas. Velaiquí o noso disco destacado da semana. Escoitamos tamén “My Bluegrass Heart”, traballo que pecha a triloxía adicada ao xénero bluegrass que Béla Fleck iniciou no ano 1988 co disco “Drive”. O apartado adicado ás estreas complétase con “Käärme” (A serpe), primeiro adianto do que vai ser o novo disco da artista finlandesa Maija Kauhanen. Redondeamos o programa con pezas de Vilma Jää e máis os estonios Puuluup.
![](https://i1.wp.com/rkvradio.com/wp-content/uploads/2022/03/275266377_4859945610786630_7227133153967189700_n.jpeg?resize=640%2C640)
![](https://i0.wp.com/rkvradio.com/wp-content/uploads/2022/03/275083437_4859947730786418_3338683847438685214_n.jpeg?resize=1253%2C1253)
![](https://i1.wp.com/rkvradio.com/wp-content/uploads/2022/03/275252802_4859948430786348_5680715064582809188_n.jpeg?resize=1943%2C1943)
![](https://i1.wp.com/rkvradio.com/wp-content/uploads/2022/03/275123378_4859945960786595_7251740558659431330_n.jpeg?resize=1500%2C1500)
![](https://i1.wp.com/rkvradio.com/wp-content/uploads/2022/03/275226714_4859946600786531_3230365736384181070_n.jpeg?resize=2000%2C2000)
Escoitádenos os venres a través de RKV Radio (23-00h), o sábado na sintonía da Radio Municipal de Redondela (11-12h) e en Cuac FM (23-00). O mércores soaremos tamén a través de RCFM Radio Crónica Folk Musical (23-00h).
LOIS ATANES O RECANTO DO CORCOVADO RKV / RADIO LIVE VENRES 23:00